Ўзбекистон Республикаси Хусусийлаштириш, монополиядан чиқариш ва рақобатни ривожлантириш Давлат қўмитаси

Навоий вилояти ҳудудий бошқармаси ва унинг тузилмавий ташкилотлари томонидан ОАВ чиқишлари

Сарҳисоб ёхуд Навоий вилоятидаги кам қувватли, фаолиятсиз корхона ва бўш турган, қурилиши тугалланмаган объектларни молиявий соғломлаштириш борасида олиб борилаётган ишлар хусусида.

     Мамлакатимизда олиб борилаётган иқтисодий ислоҳотларнинг туб негизида корхоналарни техник ва технологик жиҳатдан янгилаш, модернизация қилиш, бозорбор, тежамкор технилогияларни жалб этган ҳолда ишлаб чиқарилаётган маҳсулотлар сифатини яхшилаш орқали рақобатбардош, харидоргир маҳсулотлар ишлаб чиқаришни кенгайтириш асосий мақсад бўлиб келмоқда. Бугунги куннинг асосий вазифаларидан бири ҳисобланган аҳоли бандлигини таъминлаш, янги иш ўринлари ташкил этиш ҳисобланади. Аҳоли бандлигини таъминлаш ва меҳнат бозорини ривожлантиришда кичик бизнес ва хусусий тадбиркорликни ривожлантиришга алоҳида эътибор талаб этилмоқда.

     Жорий йилнинг 15 январида Ўзбекистон Республикаси Вазирлар Маҳкамасининг йил якунларига бағишлаб ўтказилган йиғилишда юртбошимиз томонидан аҳоли бандлигини таъминлаш масаласига алоҳида эътибор қаратиб ўтдилар. 2016 йилда Республакамиз бўйича 990 мингта, вилоятимизда 41 мингтадан ортиқ кишини иш билан таъминлаш кўзда тутилмоқда.

    Ялпи ички маҳсулот ҳажмида саноат улушини ошириш, аҳолининг ишсизлик даражасини пасайтиришда иқтисодий ночор, паст рентабелли, кам қувватда ишлаётган корхоналарда ишлаб чиқариш қувватини ошириш, қатор йиллар давомида фойдаланилмасдан бўш турган, қурилиши тугалланмаган объектлардан самарали фойдаланиш масаласига эътибор қаратилмоқда. Мазкур масалада кичик бизнес соҳаси қатламини қамраб олиш, тадбиркорларга қулай шароит ва имкониятлар яратиш орқали иқтисодиётни юксалтириш бугунги кун, давр талабидир.                      

    Қатор йиллардан бери долзарб масалалар қаторига киритилиб келинаётган кам қувватли корхоналар, бўш, қурилиши тугалланмаган объектлар негизида ишлаб чиқариш, хизмат кўрсатиш, сервис соҳаларини қамраб олган молиявий соғломлаштириш дастурлари доирасида бир қатор ижобий натижаларга эришилди. Ўтган, 2015 йил давомида лойиҳа ташаббускорларининг 25,4 млрд.сўмлик инвестицияси, шу жумладан тижорат банкларининг 2,7 млрд.сўмлик кредит маблағлари жалб қилиниши натижасида 239 та лойиҳа ишга туширилди.

     Ишга туширилган лойиҳаларнинг 16 таси (7%) енгил саноат соҳаси,               16 таси (7%) озиқ-овқат саноати, 74 таси (31%) қурилиш материаллари ишлаб чиқариш, 11 та(5%)си қишлоқ хужалик маҳсулотларини етиштириш ва кайта ишлаш, 4 таси (2%) бошқа саноат ва 118 таси (49%)хизмат кўрсатиш, сервис соҳасига тўғри келади.

     Янги ишлаб чиқариш, хизмат кўрсатиш объектларининг ишга туширилиши натижасида 1135 та янги иш ўринлари яратилди ва тикланди. Улар томонидан ишлаб чиқарилган маҳсулот ва кўрсатилган хизматлар ҳажми салкам
40,0 млрд.сўмни ташкил этди.

    Шуни алоҳида таъкидлаш керакки, Ўзбекистон Республикаси Президентининг 2014 йил 3 июлдаги ПҚ-2200-сонли қарорига киритилган Қизилтепа туманидаги кичик саноат зонасида жойлашган ЯТТ “Севаров Юнус” томонидан
540,0 млн.сўм ўз маблағи ҳисобидан хом, пишган ғишт ҳамда темир-бетон маҳсулотлари ишлаб чиқаришни ташкил этилиши ҳисобиган 19 нафар янги иш ўринлари яратилди. Биргина ўтган йилда салкам 700,0 млн.сўмлик маҳсулот (бир миллион донадан ортиқ хом ва шунча пишган ғишт)лар ишлаб чиқаришга эришилди.

     Худди шунингдек, ушбу саноат зонасида жойлашган “Қизилтепа асл транс” хусусий корхонаси томонидан 240,0 млн.сўм ўз маблағлари ҳисобидан хом, пишган ғишт маҳсулотлари ишлаб чиқариш йўлга қуйилиши натижасида 13 нафар янги иш ўринлари яратилди ва 900 млн.сўмдан ортиқ маҳсулот (1,7 млн.донадан ортиқ хом ва пишган ғишт)лар ишлаб чиқарилди ва қурилиш ташкилотларига етказиб берилди.

      Қатор йиллардан бўён фаолият кўрсатмасдан келаётган собиқ “Нурота МТП” АЖининг мулклари Ўзбекистон Республикаси Президентининг ПҚ-2200-сонли қарори асосида Нурота туманидаги “Нурота йиғма бетон” МЧЖига “ноль” харид қийматида 1,5 йил муддатда 470,0 млн.сўм инвестиция киритиш эвазига темир-бетон маҳсулотлари ишлаб чиқаришни йўлга қуйиш режалаштирилган эди. Ўтган йилда корхона томонидан режадагидан 246 млн.сўм кўп маблағ сарфланиб темир-бетон маҳсулотлари ишлаб чиқариш йўлга қуйилиши натижасида 25 та янги иш ўрни яратилди, 100,0 млн.сўмлик темир-бетон маҳсулотлари ишлаб чиқарилди ва сотилди....

 Батафсил маълумот Знамя дружбы газетаси  02.02.2016 йил 10-сон

Навоий вилоят Рақобат бошқармаси,

Мониторинг бўлими бошлиғи                                          Салоҳиддин   Ҳамдамов

Тел: 22-4-82-46.

15 март - Ҳалқаро истеъмолчилар куни.

Ҳаёт борки, инсон ўз шахсий эхтиёжи учун товар сотиб олишдан, муайян хизматлардан фойдаланишда ва ишларнинг бажарилиши натижасидан манфаатдор экан, у истеъмолчи сифатида ўз хаётини гўёки “гаров”га қуяди. Чунки нуқсонли, сифатсиз, фойдаланишга яроқсиз товарлар ва хизматлар, унинг хаётига, соғлигига жиддий зарар етказиши мумкин.

Шу сабабки, 15 мартни Халқаро истеъмолчиларнинг ҳуқуқларини ҳимоя қилиш куни деб эълон қилиниши ва бунинг натижасида бутун дунё давлатлари ва халқаро ташкилотлар томонидан истеъмолчиларнинг хуқуқларини химоя қилишга қаратилган бир қанча меъёрий хужжатлар ва битимларни қабул қилинишига асос бўлганлиги бунинг яққол мисолидир.

Бугунги кунда истеъмолчиларнинг ҳуқуқларини ҳимоя қилиш билан боғлиқ қатор халқаро қонун хужжатлари, шартнома ва битимлар мавжуддир. Улар жумласига, Бирлашган Миллатлар Ташкилотининг Истеъмолчиларнинг манфаатлари ҳимоясига оид резолюцияси, Европа Иқтисодий Хамжамияти Кенгашининг 1973 йилдаги Истеъмолчилар ҳуқуқлари Хартияси, Истеъмолчилар ҳуқуқларини ҳимояси ва Информацион сиёсатига оид 1975 йил 14 апрелдаги дастлабки ва 1981 йил 19 майдаги иккинчи дастурлари, Мустақил Давлатлар Хамдўстлигига аъзо давлатларнинг истеъмолчилар ҳуқуқларини ҳимоя қилиш сохасида хамкорлигининг асосий йуналишлари тўғрисидаги Битимларини киритиш мумкин....

Вилоят радиоси 12.03.2016 йил

Навоий вилоят Рақобат бошқармаси бўлим бошлиғи А.Мухаммадиев