Новости
Послать заявку

logo RU

investoram
 
 
Инвесторам
 
 
predprinimatelyam
 
 
Предпринимателям
 
 
AUKSION ru
 
 
Аукцион
 
 

Alisher Navoiy va Bobur

    Ayni kunlarda yurtimiz boʻylab oʻzbek sheʼriyati gulshanining ikki buyuk ustuni, shoir va mutafakkir, gʻazal mulkining sultoni Nizomiddin Mir Alisher Navoiy tavalludining 583-yilligi hamda oʻzbek klassik adabiyotining ulkan namoyondasi, shoh va shoir Zahiriddin Muhammad Bobur hazratlarining 541-yillik tavallud ayyomlari keng nishonlanmoqda.

Shu munosabat bilan Davlat aklivlarini boshqarish agentligi  tizimida ikki buyuk siymoning hayot yoʻli va ijodi haqida  “Navoiy – mangu barhayot” hamda “Bobur – tarixshunos va davlat arbobi” mavzularida maʼnaviy-maʼrifiy tadbir oʻtkazildi.

Alisher Navoiy va Bobur 2

    Tadbir Davaktiv agentligi direktori oʻrinbosari Alisher Miraliyev boshchiligida, hamda Yuridik fanlari doktori, professor, “Maʼrifat” targʻibotchilar jamiyati aʼzosi Feruza Muhiddinova ishtirokida boʻlib oʻtdi.

     Maʼruzachi aytib oʻtganidek, insonni komillikka yetaklovchi kuch ham, davlat va jamiyat taraqqiyoti ham ilm va maʼrifat bilandir. Navoiy ijodi ana shunday yuksak maqsadlar sari ilhomlantiradi, maʼnaviy qudrat baxsh etadi.

      Alisher Navoiy ijodi va faoliyatiga oid barcha maʼlumotlar uning sivilizatsiyamiz tarixida turkiy tilning boshqa tillaridan ustun tomonlarini koʻrsatib, ona tilimizning boy imkoniyatlarini toʻliq ochib bergan buyuk olim sifatida biz uchun qadrlidir.

       Alisher Navoiy butun hayoti davomida adabiy asarlarni siyosat bilan birlashtirgan. Yuqori mansabga ega shaxs boʻla turib, u mamlakat hayotining ijtimoiy-iqtisodiy takomillashishiga katta hissa qoʻshgan, ilm, fan, sanʼat rivojiga homiylik qilib, tinchlik va totuvlik hukm surishiga doim harakat qilgan. 

      Zahiriddin Muhammad Bobur esa, turli hududlar va mintaqalarning, mamlakatlar va o'lkalarning, shaharlar va qishloqlarning siyësiy tarixi, ilm-fani, madaniyati, urf-odatlari bilan birga, ularning tabiati, xo'jaligi, joʻgʻrofiy o'rni, chegaralari, yaylovlari, togʻ va daralari, ko'l va daryolari, xilma-xil o'simliklari, mevalari, hayvonot dunyosi, yerusti va yerosti boyliklari, tili, savdo-sotiq ishlari bilan ham astoydil qiziqqan. Bularning hammasini o'zining qomusiy asari “Boburnoma”da bayon etgan.

standartining yangi tahriri

 

Oʻzbekiston Respublikasi Prezidentining 2023-yil 28-fevraldagi PF-27-son Farmoni bilan tasdiqlangan 2022-2026-yillarga moʻljallangan Yangi Oʻzbekistonning taraqqiyot strategiyasini Insonga eʼtibor va sifatli taʼlim yilida amalga oshirishga oid Davlat dasturi bilan bilan umum-eʼtirof etilgan xalqaro baholash standartlari (IVS, EVS, USPAP, RICS va boshqalar) asosida bozor konyunkturasini hisobga olgan holda baholashda yagona yondashuvni taʼminlaydigan Yagona milliy baholash standartini takomillashtirish vazifasi yuklatilgan.

Shu bois, Davaktiv agentligi tomonidan respublikadagi baholovchi tashkilotlarning professional jamoat birlashmalari (Baholovchi tashkilotlar assotsiatsiyasi, Oʻzbekiston baholovchilar jamiyati, Oʻzbekiston baholovchilar, ekspertlar va maslahatchilar jamiyati) bilan birgalikda va PriceWaterhouseCoopers xalqaro konsalting kompaniyasi ishtirokida Oʻzbekiston Respublikasining Yagona milliy baholash standartining (YAMBS) yangi tahriri ishlab chiqildi hamda jamoatchilik muhokamasidan oʻtkazilib, kelib tushgan takliflar asosida qayta ishlandi.

YAMBS yangi tahririning maqsadi asosli qarorlar qabul qilish uchun baholash jarayonlarining ishonchliligi, shaffofligi va izchilligi orqali isteʼmolchilarning baholash xizmatlari sifatidan qanoatlanish darajasini oshirishdan iborat.

YAMBSning yangi tahriri Oʻzbekiston Respublikasi Adliya vazirligi tomonidan 2023-yil 28-dekabrda roʻyxatdan oʻtkazildi (roʻyxat raqami 3487) va 2024-yil 1-yanvardan kuchga kirdi.

Shu bilan birga, Adliya vazirligida 2020-yil 4-iyunda 3239-son bilan roʻyxatdan oʻtkazilgan ilgari amalda boʻlgan Oʻzbekiston Respublikasi Yagona milliy baholash standarti oʻz kuchini yoʻqotgan deb topildi.

YAMBSning yangi tahriri baholash jarayonida obyektivlikni taʼminlash uchun asos yaratadi, shuningdek baholovchilarga bozor tebranishlari, iqtisodiy tendensiyalar va boshqa tegishli omillar taʼsirini hisobga olish imkonini beradi, bu esa oxir-oqibatda aktivning haqiqiy bozor qiymatini shakllantirishga yordam beradi.

YAMBS mustaqil va xolis baholash tizimini rivojlantirishga, baholash xizmatlarining professional darajasi va sifatini oshirishga xizmat qiladi, shuningdek, baholash qonunchiligini bir xil talqin qilinishini taʼminlaydi va mahalliy baholash tizimiga ishonchni oshiradi.

Maʼlumot uchun: Oʻzbekiston Respublikasi Yagona milliy baholash standartining yangi tahriri respublikaning iqtisodiy rivojlanish xususiyatlaridan kelib chiqqan holda xalqaro baholash standartlari normalariga muvofiqlashtirildi, tizimlashtirildi va uch boʻlimdan tarkib topdi.

Birinchi boʻlim baholashga oid vazifasidan to baholash toʻgʻrisidagi hisobotni tayyorlashgacha eʼtiborga olinishi kerak boʻlgan asosiy tamoyillar va konsepsiyalarni belgilaydigan umumiy standartlar guruhini oʻz ichiga oladi. Shu bilan birga, xalqaro standartlar asosida asosiy tushunchalar, atamalar va taʼriflar qayta koʻrib chiqildi va toʻldirildi.

Ikkinchi boʻlim biznes va biznesda ishtirok etish huquqini baholash, koʻchmas mulk, intellektual mulk va nomoddiy aktiv obyektlari, mashina va uskunalar, tovar-moddiy zaxiralar kabi aktivlarning ayrim turlarini baholashga oid maxsus standartlar guruhini oʻz ichiga oladi.

Mazkur boʻlimga “Baholash toʻgʻrisidagi hisobotning ishonchliligi ekspertizasi” yangi standarti kiritildi. Bundan tashqari, “Koʻchmas mulk qiymatini baholash” standarti “Development jarayonida boʻlgan koʻchmas mulk qiymatini baholashning oʻziga xos xususiyatlari” bobi bilan va “Nomoddiy aktivlar va intellektual mulk obyektlari qiymatini baholash” standarti “Nomoliyaviy majburiyatlar shaklidagi nomoddiy aktivlarning qiymatini baholash” bobi bilan toʻldirildi hamda baholash toʻgʻrisidagi hisobotdan foydalanish muddatlari belgilandi.

Uchinchi boʻlim Oʻzbekiston Respublikasi Yagona milliy baholash standartining ajralmas qismi boʻlgan va aniq baholash obyektlarining qiymatini baholash uchun zarur boʻlgan minimal usullarni belgilaydigan shuningdek, turli xil baholash maqsadlari va aktivlar turlari uchun baholash standartlarini amaliy qoʻllash talablari va tartibini belgilaydigan metodiklarni oʻz ichiga oladi.

 

Manba: https://davaktiv.uz/oz/news/the-unified-national-valuation-standard-of-the-republic-of-uzbekistan-in-a-new-edition-was-approved

davlat mulkini hususiylashtirish tugrisida 1

Oliy Majlis Senatining 47-yalpi majlisida “Davlat mulkini xususiylashtirish toʻgʻrisida”gi Qonun muhokama qilinib, natijasi boʻyicha maʼqullandi.

Taʼkidlash joizki, mazkur Qonun Oʻzbekiston Respublikasi Oliy Majlisi Qonunchilik palatasi tomonidan 2023-yil 5-sentabrda qabul qilingan.

Qonunning asosiy jihatlari:

  • 1991-yilda qabul qilingan “Davlat tasarrufidan chiqarish va xususiylashtirish toʻgʻrisida”gi Qonundan tubdan farq qiladi;
  • amaldagi qonunda belgilanmagan elektron-onlayn auksion va birja, shuningdek, professional konsultantlarni jalb etgan holda muzokaralarga ommaviy taklif qilish, raqobatga asoslangan muloqot asosida sotish va korxonalarni keyinchalik sotish sharti bilan ijaraga berish kabi xususiylashtirishning zamonaviy 8 ta usullari kiritilgan;
  • ochiqlik va shaffoflik, hisobdorlik, teng raqobat muhitini taʼminlash tamoyillari, shuningdek, savdolarni oʻtkazish hamda toʻlovlarni amalga oshirish tartibi va shartlari belgilangan.

Mazkur Qonun Oʻzbekiston Respublikasi Prezidentiga imzolash uchun yuboriladi hamda rasmiy eʼlon qilingan kundan eʼtiboran 3 oy oʻtgach kuchga kiradi.

 

manba: https://davaktiv.uz/oz/news/law-on-privatization-of-state-property-approved-by-the-senate-of-the-oliy-majlis-of-the-republic-of-uzbekistan

  Полезные ресурсы

gov uz1
 
 
 
 
 
 
navoi hok1
 
 
 
 
 

 

press1
 
 
 
 
 
 
gkk1
 
 
 
 
 

 

uzse uz
 
 
 
 
 
 
deponet